"რატომ არ მიიტანეთ ლეპტოპი? ლეპტოპი არ გვაქვს? გაგვიჭირდა ლეპტოპის მიტანა?" - კახაძე მიხეილ სააკაშვილის პროცესზე
15.12.2022 ნახვები: 674
რატომ არ მიიტანეთ ლეპტოპი? ლეპტოპი არ გვაქვს? გაგვიჭირდა ლეპტოპის მიტანა?, – ასე გამოეხმაურა უმრავლესობის დეპუტატი ლადო კახაძე „პალიტრანიუსის“ გადაცემა „360 გრადუსში” პენიტენციურის განცხადებას იმის შესახებ, რომ სააკაშვილი სასამართლო პროცესზე ტექნიკური მოწყობილობების არარსებობის გამო ვერ ჩართეს.
როგორც კახაძე აღნიშნავს, სიამოვნებით მოისმენდა დასმულ შეკითხვაზე პასუხს და კომენტარს მერე გააკეთებდა.
„9 000-ზე მეტი პატიმარი გვყავს და ყველა გვაგინებს გულში, ჩვენ რატომ არ გვაქვს ასეთი უფლებებიო და რა ვქნათ, თმენის ვალდებულება გვაქვს და დემოკრატია ეს ყოფილა. ჩვენ ყველასთვის უნდა ვიყოთ მოსაწონი. აქედან ვსვამ ამ შეკითხვას: რა მოხდა, რატომ არ მიიტანეთ ლეპტოპი?! დღეს ველოდებოდი სასამართლოს და თქვენგან [წამყვანის] ვიგებ ამას და ვსვამ კითხვას, ვეკითხები ვისაც ევალებოდა: ლეპტოპი არ გვაქვს მართლა?! გაგვიჭირდა ლეპტოპის მიტანა?! რატომ არ მივიტანეთ?!. რა გგონიათ დეპუტატი ვარ, ვალდებულებები მაქვს და სიტყვას ვერ ვიტყვი?! მე ყველაფერს ვლაპარაკობ, ადამიანებს პირში ველაპარაკები, მიზეზი უნდა გავიგოთ ჯერ რა მოხდა. ტექნიკურ სამსახურს ვეკითხები, რა ტექნიკური მოუგვარებელი დაგემართათ, რომ არ ჩართეთ ეს ადამიანი?! სიამოვნებით მოვისმენდი პასუხს და ამ პასუხის შემდეგ გავაკეთებდი ჩემს კომენტარს. ახლა მე მხოლოდ კითხვის დასმა შემიძლია“, – განაცხადა ლადო კახაძემ.
