ნინო ძოწენიძე:ჩემთვის გამარჯვებულია საქართველო! ყველაზე მაგარი გამოსვლა გვქონდა და ერთი წამითაც არ ვფიქრობ, რომ ეს ამბიციური განაცხადია ჩემგან
11.12.2022 ნახვები: 869
საბავშვო ევროვიზიაზე საქართველოს წარმომადგენლის, მარიამ ბიგვავას მესამე ადგილზე გასვლას მომღერალი ნინო ძოწენიძე სოციალურ ქსელში ეხმაურება და წერს, რომ მისთვის, საქართველო გამარჯვებულია.
„ჩემთვის გამარჯვებულია საქართველო! ყველაზე მაგარი გამოსვლა გვქონდა და ერთი წამითაც არ ვფიქრობ, რომ ეს ამბიციური განაცხადია ჩემგან, ან სუბიექტური ვარ, გილოცავთ. თქვენ საუკეთესო გუნდი და უძლიერესები ხართ თქვენს საქმეში და ამას ყოველ წელს ამტკიცებთ“. – წერს ნინო ძოწენიძე სოციალურ ქსელში.
ცნობისთვის, 2022 წლის საბავშვო ევროვიზიის სიმღერის კონკურსის გამარჯვებული საფრანგეთის წარმომადგენელი გახდა. კონკურსანტმა 203 ქულა მიიღო. მეორე ადგილზე სომხეთის წარმომადგენელი გავიდა 180 ქულით.
საქართველოს წარმომადგენელი მარიამ ბიგვავა 161 ქულით მესამე ადგილზე გავიდა.
2022 წლის საბავშვო ევროვიზიის სიმღერის კონკურსს სომხეთმა უმასპინძლა
