კაბინეტში მაქვს გენერატორი? -მაჭარაშვილი უკრაინის წარმომადგენლის განცხადებამ გააღიზიანა

უკრაინის ელჩის მოვალეობის შემსრულებლის განცხადებას "ხალხის ძალას" წევრი გურამ მაჭარაშვილი საქართველოს ომში ჩართვის მოწოდებად აფასებს. ივანიშვილის  დაჯგუფების წევრი ამბობს, რომ გენერატორი, რომელიც უკრაინას სჭირდება, მას კაბინეტში არ აქვს. 

"პირდაპირ გვითხარით, მეგობრებო, „ომში რატომ არ ვაძლევთ ცოცხალს ძალას უკრაინელებს? რატომ არ აწვდით იარაღს და ჩვენი სამხედროები რატომ არ მიდიან უკრაინაში?“ პროვოკაციულ ნებისმიერ ნაბიჯებს, რომელიც კი შეიძლება იყოს აღქმული მხარედ ჩართვასთან დაკავშირებით, ბუნებრივია, ასეთ გადაწყვეტილებებს ფრთხილად უდგება არა მხოლოდ არანატოს წევრი ქვეყანა, რომლის 20% აქვს რუსთს ოკუპირეული, არამედ ნატოს ქოლგის ქვეშ მყოფი ქვეყნებიც. აქ მაქვს მე კაბინეტში გენერატორი ახლა? კაბინეტში მაქვს გენერატორი? რომ მოდიხარ და მეკითხები, გენერატორს გაუგზავნი თუ არაო, კაბინეტში მაქვს გენერატორი? , - თქვა მაჭარაშვილმა. 

სკანდალური განცხადება ანდრეი კასიანოვმა დღეს გააკეთა. დიპლომატმა პირდაპირ თქვა, რომ ხელისუფლება უკრაინული მხარის ყველა თხოვნას აიგნორებს. მისი თქმით, საქართველოში ომში მყოფ ქვეყანას გენერატორებითაც კი არ ეხმარება.