რუსეთმა "დოჟდის" ჟურნალისტი ეკატერინე კოტრიკაძე და დამფუძნებელი ნატალია სინდეევა "უცხოურ აგენტთა" სიაში შეიყვანა
29.10.2022 ნახვები: 660
რუსეთმა უცხოური აგენტების სიაში რუსული დამოუკიდებელი ტელეკომპანია "დოჟდის" ჟურნალისტი ეკატერინე კოტრიკაძე, ჟურნალისტი ვლადიმერ რომენსკი, ასევე "დოჟდის" დამფუძნებელი ნატალია სინდეევა და კიდევ რამდენიმე პირი შეიყვანა.
რუსეთის იუსტიციის სამინსიტროს განცხადებებით, ისინი სიას, მათი "პოლიტიკური საქმიანობის" გამო დაემატნენ.
რუსეთში "უცხოური აგენტების" სიას იუსტიციის სამინისტრო კვირაში ერთხელ, ყოველ პარასკევს აქვეყნებს და მასში ცნობილი პოლიტიკოსების, ჟურნალისტებისა და უფლებადამცველების გვარები ფიგურირებს.
ტელეკომპანია "დოჟდი" 2008 წელს დაარსდა და რუსეთის ოპოზიციას და საპროტესტო მოძრაობებს აშუქებდა. რუსეთში გასულ წელს არხს "უცხო აგენტის" სტატუსი მიენიჭა.
ცნობისთვის, არხმა რუსეთში მაუწყებლობა 3 მარტს შეაჩერა, ხოლო 18 ივლისს კი მეზობელი ლატვიის სტუდიებიდან განაახლა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
