ილია მეორე - გული არ უნდა გაგვიტყდეს, უნდა გვახსოვდეს, რომ როდესაც უფალი გვაძლევს განსაცდელს, იგივე უფალი გვაძლევს ძალას, რომელიც გვეხმარება

ჩვენ უნდა გვახსოვდეს, რომ უფალი როდესაც გავძლევს განსაცდელს, იგივე უფალი გავძლევს ძალას, ძალას, რომელიც გვეხმარება ჩვენ, – ამის შესახებ საქართველოს კათოლიკოს-პატრიარქმა, ილია მეორემ სვეტიცხოვლის საკათედრო ტაძარში, წირვის დასრულების შემდეგ განაცხადა.

პატრიარქმა მორწმუნეები დალოცა.

„მრავალი სასწაული გვინახავს ჩვენ, მაგრამ ეს სასწაულია, რომ უფალი ჩვენთან არის, უფალი გვიძღვება წინ, უფალი არ დაგვტოვებს ჩვენ, უფალი აგვავსებს სიყვარულითა, არასოდეს შეგვეშინდეს, არ უნდა გაგვიტყდეს გული. ჩვენ უნდა გვახსოვდეს, რომ უფალი როდესაც გვაძლევს განსაცდელს, იგივე უფალი გვაძლევს ძალას, რომელიც გვეხმარება ჩვენ.

გულითადად მივესალმები ჩვენს პრეზიდენტს, პრემიერ-მინისტრს, რომლებიც დღეს აქ ესწრებიან. ღმერთი იყოს თქვენი მფარველი, ღმერთმა გაგაძლიეროთ. ჩვენთან არს ღმერთი“, – განაცხადა პატრიარქმა.