თურქეთის პრეზიდენტი რეჯეფ თაიფ ერდოღანი აცხადებს, რომ მის ქვეყანას ზაპოროჟიეს ბირთვული სადგურის საკითხში ფასილიტატორის როლის შესრულება შეუძლია. როგორც სააგენტო „როიტერი“ თურქეთის პრეზიდენტის ოფისზე დაყრდნობით წერს, ამის შესახებ ერდოღანმა ვლადიმერ პუტინს სატელეფონო საუბრისას განუცხდა.
თურქული მხარის ცნობით, ორი ქვეყნის პრეზიდენტმა უკრაინული მარცვლეულის ექსპორტის საკითხი განიხილეს. ასევე მათ მზადყოფნა გამოთქვეს, გეგმის მიხედვით, გააგრძელონ თურქეთში აკუიუს ბირთვული ელექტროსადგურის მშენებლობა.
რეჯეფ თაიფ ერდოღანი და ვლადიმერ პუტინი შეთანხმდნენ, რომ აღნიშნულ საკითხებს დეტალურად განიხილავენ სამარყანდში შანხაის თანამშრომლობის ორგანიზაციის სამიტზე, რომელიც 15-16 სექტემბერს არის დაგეგმილი.
