ვახო სანაია პატიმრობიდან გათავისუფლების შემდეგ: მათი გზავნილია „ყველას დაგიჭერთ“, ჩვენი გზავნილია – არ გვეშინია!
ავტომობილების ხმაურის დასაშვები ზღვარი 100 დეციბელამდე გაიზარდა – დარღვევისთვის ჯარიმა 100-დან 300 ლარამდეა
რატომ სჭირდება საქართველოს ქარის ენერგია – ენერგოდამოუკიდებლობის რეალური ფასი
ზელენსკი: საჰაერო თავდაცვა უკრაინის მთავარი პრიორიტეტია – პარტნიორებს რაკეტები საწყობებში არ უნდა ეწყოთ
დონალდ ტრამპი: თუ ირანი ვაშინგტონში თავდასხმას განახორციელებს, ისეთ ფასს გადაიხდის, როგორიც აქამდე არცერთ ქვეყანას არ გადაუხდია
სასამართლომ ელისო კილაძეს 10 წლით თავისუფლების აღკვეთა მიუსაჯა – ჟურნალისტს ავტომობილი და 30 000 დოლარიც ჩამოერთვა
ელისო კილაძე: ეს არ იყო ქოლცენტრების საქმე, ეს იყო სპეცოპერაცია ჩემი პერსონალური განადგურებისთვის – ბრალს არ ვაღიარებ და ბრძოლას გავაგრძელებ
Ukrainian Armed Forces hold first-ever sergeants’ forum in Kyiv

ვახო სანაია პატიმრობიდან გათავისუფლების შემდეგ: მათი გზავნილია „ყველას დაგიჭერთ“, ჩვენი გზავნილია – არ გვეშინია!

ნახვები: 210 ვახო სანაია პატიმრობიდან გათავისუფლების შემდეგ: მათი გზავნილია „ყველას დაგიჭერთ“, ჩვენი გზავნილია – არ გვეშინია!

 

ჟურნალისტმა ვახო სანაიამ 30-დღიანი ადმინისტრაციული პატიმრობის ვადის ამოწურვის შემდეგ მცხეთა-მთიანეთის დროებითი მოთავსების იზოლატორი დატოვა. გათავისუფლებისას მან განაცხადა, რომ პატიმრობა მის პოზიციასა და საქმიანობას ვერ შეცვლის.

„არ დავაკორექტირებთ ჩვენს სიტყვებს იმის გამო, რომ ივანიშვილს ცალკე ლექსიკონი აქვს შედგენილი და ის სიტყვები შეაქვს, რაც არ უნდა, რომ გაიგოს. ჩემი ქცევა ამით არ შეიცვლება. მათი გზავნილია: „ყველას დაგიჭერთ“, „ყველას ჯარიმებს დაგიწერთ“! ჰქონდეთ ეს გზავნილი. ჩვენი გზავნილია: არ გვეშინია!“ – განაცხადა სანაიამ.

ჟურნალისტის თქმით, ადმინისტრაციული პატიმრობა, მისი ხანგრძლივობისა და განმეორების მიუხედავად, ვერ შეცვლის მის დამოკიდებულებას მიმდინარე მოვლენების მიმართ.

სანაიამ ყურადღება გაამახვილა იმ პირებზეც, რომლებსაც პოლიტიკურ და „სინდისის პატიმრებად“ მიიჩნევს და აღნიშნა, რომ საზოგადოების ძალისხმევა მათი გათავისუფლებისკენ უნდა იყოს მიმართული.

„ძალიან მეუხერხულება საუბარი, რომ ერთი თვე ვიყავი საპატიმროში, 14 დღე თუ ასე შემდეგ... ჩვენ ისეთი ხალხი გვყავს ციხეში, ჩვენი პოლიტიკური პატიმრები, „სინდისის პატიმრები“, ყველა მათზე უნდა ვზრუნავდეთ და მაქსიმუმს ვაკეთებდეთ, რათა ბრძოლა ბოლომდე მივიყვანოთ. აუცილებლად მივიყვანთ“, – აღნიშნა მან.

სანაიას განცხადებით, არც ჯარიმები და არც პატიმრობა არ გახდება მიზეზი, რომ მან საკუთარი მოსაზრებების საჯაროდ გამოხატვაზე უარი თქვას.

„რა ჯარიმაც არ უნდა დაწერონ, რა პატიმრობაც არ უნდა გამოწერონ, ჩვენ ყოველთვის დავწერთ და ვისაუბრებთ იმას, რასაც საჭიროდ მივიჩნევთ. არ გვეშინია არანაირი მეთოდის. ისინი ვერ იქნებიან გამარჯვებულები, ჩვენ არ ვიქნებით დამარცხებულები“, – განაცხადა ჟურნალისტმა.

ცნობისთვის, ვახო სანაიას 30-დღიანი ადმინისტრაციული პატიმრობა ჰქონდა შეფარდებული. შინაგან საქმეთა სამინისტრო მას სოციალურ ქსელში გამოქვეყნებული სამი პოსტის გამო პოლიტიკური თანამდებობის პირების შეურაცხყოფას ედავებოდა.

მცხეთა-მთიანეთის დროებითი მოთავსების იზოლატორთან გათავისუფლებულ ჟურნალისტს ოჯახის წევრები და კოლეგები დახვდნენ.

ყველას ნახვა
ყველას ნახვა
ყველას ნახვა