აშშ-ის პრეზიდენტის, დონალდ ტრამპის განცხადებით, უკრაინაში ომის დასრულების შემდეგ ქვეყანა თავისუფალ და დამოუკიდებელ სახელმწიფოდ დარჩება, თუმცა მისი ფორმა შესაძლოა შეიცვალოს. ამის შესახებ ტრამპმა CBS-ის გადაცემაში „60 Minutes“ განაცხადა.
კითხვაზე, მიაჩნია თუ არა, რომ ომის დასრულების შემდეგ უკრაინა დამოუკიდებლობას შეინარჩუნებს, ტრამპმა უპასუხა:
„ვფიქრობ, ეს მოხდება და საბოლოოდ უკრაინა ოდნავ განსხვავებული ფორმით დარჩება“.
აშშ-ის პრეზიდენტს არ დაუკონკრეტებია, რას გულისხმობდა უკრაინის „განსხვავებულ ფორმაში“.
ამასთან, კითხვაზე, ფიქრობს თუ არა, რომ რუსეთის პრეზიდენტი ვლადიმერ პუტინი ცრუ იმედებს უქმნის და მოლაპარაკებების პროცესს განზრახ აჭიანურებს, ტრამპმა განაცხადა:
„არა, ასე არ ვფიქრობ. რუსეთთან მიმართებით ჩემზე მკაცრი არავინ ყოფილა“.
