რუსმა ოკუპანტებმა ზაპოროჟიეს რეგიონული ადმინისტრაციის უფროსის ოლეგ ბურიაკოვის შვილი გაიტაცეს. ინფორმაციას თავად ბურიაკოვი ავრცელებს.
როგორც ბურიაკოვმა აღნიშნა, შემთხვევა 8 აპრილს, ვასილკოვში მაშინ მოხდა, როცა საევაკუაციო ავტოკოლონა მელიტოპოლიდან ზაპოროჟიეში მიემართებოდა.
პოლიტიკოსის თქმით, მანქანა, რომელშიც მისი 16 წლის შვილი, ვლადი, იმყოფებოდა გააჩერეს, 3 საათი შემდეგ კი, ავტომობილში მყოფი ყველა ადამიანი გაათავისუფლეს, მოზარდის გარდა.
ბურიაკოვი ამბობს, რომ შვილის ადგილსამყოფელი მისთვის ამ დრომდე უცნობია.
