უკრაინის გენშტაბი ყირიმში ნავთობტერმინალზე მეორე დარტყმას ადასტურებს - დაზიანდა 16 რეზერვუარი
15.10.2025 ნახვები: 416
უკრაინის თავდაცვის ძალებმა 13 ოქტომბრის ღამეს დროებით ოკუპირებულ ქალაქ ფეოდოსიაში მდებარე საზღვაო ნავთობტერმინალზე მეორე თავდასხმა განახორციელეს, რის შედეგადაც საწვავის შესანახი 16 ავზი დაზიანდა, - ინფორმაციას უკრაინის შეიარაღებული ძალების გენერალური შტაბი ავრცელებს.
მათივე ინფორმაციით, ტერიტორიაზე მასშტაბური ხანძარი გრძელდება.
გენერალურმა შტაბში განმარტავენ, რომ ფეოდოსიის ტერმინალი რუსი ჯარების საწვავითა და საპოხი მასალებით მომარაგების მნიშვნელოვან ლოგისტიკურ კავშირს წარმოადგენს. ავზებში დაახლოებით 193 000 კუბურ მეტრი მოცულობის ნავთობპროდუქტების შენახვაა შესაძლებელი.
გარდა ამისა, 14 ოქტომბრის ღამეს, უკრაინის თავდაცვის ძალების ქვედანაყოფებმა იერიში მიიტანეს P-18 რადარზე ოკუპირებულ ყირიმში, უპილოტო საფრენი აპარატების მართვის ცენტრზე ხერსონის ოლქის დროებით ოკუპირებულ ტერიტორიაზე და საბრძოლო მასალის საწყობზე დონეცკის ოლქის დროებით ოკუპირებულ ტერიტორიაზე.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
