სალომე ზურაბიშვილი საფრანგეთის საგარეო საქმეთა მინისტრს, ჟან-ნოელ ბაროს და ევროპის საკითხებში მინისტრს ბენჟამინ ჰადადის შეხვდა
30.09.2025 ნახვები: 318
საქართველოს მეხუთე პრეზიდენტი სალომე ზურაბიშვილი საფრანგეთის საგარეო საქმეთა მინისტრს, ჟან-ნოელ ბაროს და საფრანგეთის მინისტრს ევროპის საკითხებში, ბენჟამინ ჰადადის შეხვდა.
როგორც სალომე ზურაბიშვილი X-ზე წერს, ჰქონდა არსებითი დისკუსია საქართველოში არსებულ ვითარებაზე, რისთვისაც ფრანგ მინისტრებს მადლობას უხდის.
"მადლობა საქართველოში არსებული ვითარების შესახებ ამ არსებითი დისკუსიისთვის, ასევე ევროკავშირისა და "ვაიმარის სამკუთხედის" როლისთვის ქართველი ხალხის მომავლის უზრუნველყოფასა და ევროპული პერსპექტივის აღდგენაში დახმარების კუთხით", - წერს სალომე ზურაბიშვილი.
