„ოქროს ბურთი“ უსმან დემბელეს გადაეცა

ფეხბურთში მამაკაცთა შორის France Football-ის „ოქროს ბურთის“ მფლობელი „პარი სენ-ჟერმენის“ თავდამსხმელი უსმან დემბელე გახდა.

გამარჯვებული დაჯილდოების 69-ე ცერემონიაზე რონალდინიომ გამოაცხადა.

გამოკითხვაში მეორე ადგილზე "ბარსელონას" ახალგაზრდა ვარსკვლავი ლამინ იამალი (ბარსელონა) გავიდა, მესამე-მეოთხე ადგილი კი ვიტინიამ (პსჟ) და მოჰამედ სალაჰმა (ლივერპული) დაიკავეს.

სხვა ნომინაციები ასე გადანაწილდა:

წლის საუკეთესო ახალგაზრდა ფეხბურთელი - ლამინ იამალი (ბარსელონა, ზედიზედ მეორედ);

წლის საუკეთესო მწვრთნელი - ლუის ენრიკე (პსჟ);

წლის საუკეთესო მეკარე - ჯანლუიჯი დონარუმა (მანჩესტერ სიტი);

წლის საუკეთესო თავდამსხმელი - ვიქტორ დიოკერეში (არსენალი);

წლის საუკეთესო გუნდი - პსჟ.

ხმის მიცემაში მონაწილეობა მიიღეს ფიფა-ს რეიტინგის TOP-100-ში მყოფი ქვეყნების სპორტულმა ჟურნალისტებმა.

"ოქროს ბურთის“ ნომინანტებს შორის იყო "პსჟ"-ს ფეხბურთელი ხვიჩა კვარაცხელია. ქართველმა ფეხბურთელმა გამოკითხვაში მე-12 ადგილი დაიკავა.

დემბელემ „პსჟ“ -სთან ერთად წინა სეზონში საფრანგეთის ჩემპიონატი, საფრანგეთის თასი, უეფა-ს თასი და ჩემპიონთა ლიგა მოიგო. 2024-25 წლების სეზონში მან 35 გოლი გაიტანა პსჟ-ს რიგებში ყველა ტურნირზე და გააკეთა 16 საგოლე გადაცემა.