მარკო რუბიო - სრულად გვესმის, რა სანქციებია ჩვენთვის ხელმისაწვდომი და შესაძლოა, პრეზიდენტმა ამის გაკეთება გადაწყვიტოს
16.09.2025 ნახვები: 301
აშშ-ის სახელმწიფო მდივნის, მარკო რუბიოს განცხადებით, ვაშინგტონის ადმინისტრაციას ესმის, თუ რა სანქციები შეიძლება დააწესოს რუსეთის წინააღმდეგ, თუმცა, მისი თქმით, საბოლოო გადაწყვეტილებას უშუალოდ აშშ-ის პრეზიდენტი დონალდ ტრამპი მიიღებს.
„სრულად გვესმის, რა სანქციებია ჩვენთვის ხელმისაწვდომი და შესაძლოა, გარკვეულ მომენტში პრეზიდენტმა ამის გაკეთება გადაწყვიტოს. ეს მისი გადაწყვეტილება იქნება. ის არ აპირებს ხელოვნურად გამოაცხადოს ვადები. თუმცა, მან ასევე აღნიშნა, რომ მნიშვნელოვანია, რომ ევროპამაც იგივე გააკეთოს“ - აღნიშნა რუბიომ Fox News-თან ინტერვიუში.
მისი თქმით, ევროპაში ჯერ კიდევ არიან ქვეყნები, რომლებიც რუსულ პროდუქტებს ყიდულობენ, მათ შორის რუსულ ნავთობს.
„პრეზიდენტმა ჩვენს ევროპელ პარტნიორებს მოუწოდა, თავად დააწესონ სანქციები, რომელთა დაწესებასაც ჩვენგან ითხოვენ“, - აღნიშნა რუბიომ.
