დონალდ ტრამპი - ირანს რამდენიმე კვირა აშორებდა ბირთვული იარაღის ფლობისგან
19.06.2025 ნახვები: 379
აშშ-ის პრეზიდენტის, დონალდ ტრამპის განცხადებით, ირანს რამდენიმე კვირა აშორებდა ბირთვულ იარაღამდე.
ოვალურ კაბინეტში ჟურნალისტებთან საუბრისას დონალდ ტრამპმა აღნიშნა, რომ თუ ირანს ბირთვული იარაღი ექნებოდა, ეს მსოფლიოს დასასრული იქნებოდა.
„20 წელია, ვამბობ, შესაძლოა, უფრო დიდი ხანიც, რომ არ შეიძლება, ირანს ჰქონდეს ბირთვული იარაღი. დიდი ხანია, ვამბობ ამას და ვფიქრობ, მათ რამდენიმე კვირა აშორებდათ ბირთვული იარაღის ფლობისგან“, – განაცხადა ტრამპმა.
აშშ-ის პრეზიდენტის აზრით, თუ ირანს ბირთვული იარაღი ექნებოდა, მაშინ ისინი მას გამოიყენებდნენ.
„იცით, მჯერა, რომ გამოიყენებდნენ. სხვები არ გამოიყენებენ, მაგრამ მე მჯერა, რომ ისინი გამოიყენებდნენ“, – აღნიშნა ტრამპმა.
შეგახსენებთ, რომ ისრაელის პრემიერ-მინისტრი ირანზე თავდასხმის შემდეგ აცხადებდა, რომ ირანს რამდენიმე კვირა აშორებდა ბირთვული იარაღის შექმნამდე.
