ისრაელმა თეირანში მდებარე სამხედრო ობიექტებზე იერიში მიიტანა. ამის შესახებ ისრაელის თავდაცვის ძალებში განაცხადეს.
„ისრაელის საჰაერო ძალები თავს დაესხნენ და დაანგრიეს მიწა-მიწა ტიპის რაკეტების წარმოების, სარადარო სისტემებისა და მიწა-ჰაერის ტიპის რაკეტული საშუალებების ობიექტები თეირანში“, – განაცხადეს ისრაელის თავდაცვის ძალებში.
მანამდე ისრაელში განაცხადეს, რომ ირანის მიმართულებით თავდასხმების ახალ სერიას იწყებდნენ, იერიშების სამიზნე კი მიწა-მიწა ტიპის რაკეტების საწარმო იქნებოდა დასავლეთ ირანში.
