ვოლოდიმირ ზელენსკი - უკრაინისთვის იარაღის მიწოდების ტემპი ისეთი უნდა იყოს, რომ რუსეთის მხრიდან თავდასხმების ტემპი შეანელოს
27.12.2024 ნახვები: 660
ამერიკის შეერთებული შტატები უკრაინას სამხედრო დახმარების მიწოდებას უზრდის, - უკრაინული მედიის ინფორმაციით, ამის შესახებ ქვეყნის პრეზიდენტმა, ვოლოდიმირ ზელენსკიმ განაცხადა.
„დღეს იყო მთავარსარდალ სირსკის, თავდაცვის მინისტრის, უმეროვის მოხსენება. ფრონტის, მხარდაჭერის შესახებ. ძალიან მნიშვნელოვანია, რომ შეერთებული შტატები ახლა მოწოდებას ზრდის. ეს აუცილებელია სიტუაციის გასათანაბრებლად. მადლობელი ვარ ჩვენი პარტნიორების და მიწოდების ტემპი ისეთი უნდა იყოს, რომ შეანელოს რუსეთის მხრიდან თავდასხმების ტემპი“, - განაცხადა ზელენსკიმ.
მისი თქმით, უკრაინას სჭირდება მეტი იარაღი და ძლიერი პოზიცია დიპლომატიისთვის.
„ყოველი ქვედანაყოფი, ყოველი ბრიგადა, რომელიც უზრუნველყოფს ამას, ნორმალური მშვიდობის შესაძლებლობასთან გვაახლოებს“, - აღნიშნა ზელენსკიმ.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
