წალენჯიხელები რეანიმობილს ითხოვენ

წალენჯიხა რეანიმობილს და სამეგრელო ბავშვთა ქირურგიის ცენტრს იმსახურებს, ამის შესახებ „ნეიშენ ჯორჯიას“ წალენჯიხის მერის მოადგილემ თამარ ბელქანიამ განუცხადა.

„ნეიშენ ჯორჯიასთვის“ ცნობილი გახდა, რომ ორიოდე დღის წინ, 14 წლის მოზარდი, რომელიც უმძიმეს მდგომარეობაში იმყოფებოდა, რეანიმობილის არ ქონის გამო, ბათუმში კერძო, მსუბუქი ავტომობილით გადაიყვანეს.

მოსახლეობა აცხადებს, რომ რამდენიმე ფატალური შემთხვევა სწორედ რეანიმობილის არ ქონის გამო დადგა.

თამარ ბელქანია ცხადებს, რომ რომ წალენჯიხა რეანიმობილს და სამეგრელო ბავშვთა ქირურგიის ცენტრს იმსახურებს და ეს არის აუცილებლობა მოცემულ ვითარებაში.

„ისედაც ჩვენი შვილების დიდი ნაწილი ემიგრანტი დედების შიშის ქვეშ იზრდებიან! წარმოიდგინეთ დედა, რომელმაც იცის რომ მის შვილს სამეგრელოში/ წალენჯიხაში გადაუდებელი ქირურგიული ჩარევა სჭირდება, იცის რომ მსგავსი რეგიონში არაა და არც ბილეთია აქეთ გამოსაფრენი! რა ქნას დედამ ემიგრაციაში ან მამამ, ვისთანაც შვილია დარჩენილი!“, - აცხადებს ბელქანია.

მისი თქმით, უხერხულია, როდესაც 21-ე საუკუნეში, ამ პრობლემაზე უხდება ხალხს საუბარი.

„უცილებელია გავერთიანდეთ ჩვენი შვილების დასაცავად! მოხუცი მშობლების
სიცოცხლის გასახანგრძლივებლად. სანამ ეს პრობლემა თქვენამდე მოვა ერთობით შევძლოთ - ვაიძულოთ ცენტრალური ხელისუფლება ხალხის სიტყვა/ მოთხოვნა საქმედ აქციოს!“, - აცხადებს ბელქანია.

შეგახსენებთ, რომ წალენჯიხის მოსახლეობა წლებია რეანიმობილს ითხოვს, ცენტრალური ხელისუფლება კი ამ მოთხოვნაზე არ რეაგირებს.