"მინდა გთხოვოთ, ყველა უნივერსიტეტიდან დილის 10 საათზე მსვლელობით დავიძრათ და გავნაწილდეთ პარლამენტის გარშემო", - ამის შესახებ რუსთაველის გამზირზე გამართულ აქციაზე სტუდენტებს აქციის მონაწილემ მოუწოდა.
"მეგობრებო მინდა კიდევ ერთხელ გავაგონოთ ჩვენი ხმა, თავისუფლებისთვის მებრძოლებს, დაკავებულებს გავაგონოთ ჩვენი ხმა. კიდევ ერთხელ უფრო ხმამაღლა... მადლობა. მინდა მოგიწოდოთ ყველას და განსაკუთრებით სტუდენტებს, ყველა უნივერსიტეტის წარმომადგენელს ხვალ არის ძალიან მნიშვნელოვანი დღე ჩვენი ქვეყნის ისტორიაში ასე, რომ მინდა გთხოვოთ, მოგიწოდოთ ყველა უნივერსიტეტიდან მსვლელობით დავიძრათ, დილით 10 საათზე პარლამენტთან, აბსოლუტურად ყველა უნივერსიტეტიდან და გავნაწილდეთ პარლამენტის გარშემო. მე მგონი, ამ ხელისუფლებისთვის სათქმელი მხოლოდ ერთადერთი რამე დაგვრჩა - ზღაპრის ბოლო კეთილია," - ამბობს აქციის მონაწილე.
