9 აპრილის ტრაგედიიდან 35 წელი, დამოუკიდებლობის აღდგენის დღიდან 33 წელი შესრულდა
09.04.2024 ნახვები: 959
1989 წლის 9 აპრილის ტრაგედიიდან 35 წელი შესრულდა.
1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან მშვიდობიანი საპროტესტო აქცია დაარბიეს, რასაც მსხვერპლი მოჰყვა.
დარბევის შედეგად 21 ადამიანი დაიღუპა. პარლამენტის წინ შეკრებილი ათასობით მოქალაქე დაუდგენელი შემადგენლობის გაზით მოიწამლა.
1991 წლის 9 აპრილს მაშინდელმა უზენაესმა საბჭომ თარიღი საქართველოს სახელმწიფოებრივი დამოუკიდებლობის აღდგენის დღედ გამოაცხადა.
ამ დღესთან დაკავშირებით საქართველოს პარლამენტის შენობასთან დილიდან იკრიბებიან პოლიტიკოსები, დიპლომატები, სხვადასხვა უწყების ხელმძღვანელები, წარმომადგენლები და რიგითი მოქალაქეები.
მათ დაღუპულთა მემორიალთან ყვავილები მიაქვთ და 9 აპრილს გარდაცვლილთა ხსოვნას პატივს მიაგებენ.
მათი განცხადებით, 9 აპრილი არის ტრაგიკული და ამავე დროს, უაღრესად მნიშვნელოვანი დღე საქართველოს ისტორიაში, რაც ყველას უნდა ახსოვდეს.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
