რუსეთის ანტიტეროროსტული კომიტეტი - დაღესტანში სამი ტერორისტი დავაკავეთ

დაღესტანში, ანტიტერორისტული ოპერაციის დროს სამი ადამიანი დააკავეს, რომლებიც ტერაქტებს გეგმავდნენ, - ინფორმაციას რუსული მედია ეროვნული ანტიტერორისტული კომიტეტის საინფორმაციო ცენტრზე დაყრდნობით ავრცელებს.

„ამ დილით მახაჩკალასა და კასპიისკში ეროვნული ანტიტერორისტული კომიტეტის ოპერატიული შტაბის ხელმძღვანელობით ჩატარებული კონტრტერორისტული ოპერაციის დროს, უსაფრთხოების ორგანოებმა დააკავეს სამი ბანდიტი, რომლებიც გეგმავდა ტერორისტული დანაშაულების ჩადენას“, - ნათქვამია უწყების განცხადებაში.

მათივე ინფორმაციით, დაკავებისას დამნაშავეებისგან ავტომატური იარაღი, საბრძოლო მასალა და გამოსაყენებლად მზა ხელნაკეთი ასაფეთქებელი მოწყობილობა ამოიღეს.

რუსული მედიის ინფორმაციით, ოპერაციის დროს არავინ დაშავებულა.

ცნობისთვის, დღეს დილით რუსულმა მედიამ გაავრცელა ინფორმაცია, რომ მახაჩკალასა და კასპიისკის საცხოვრებელ უბნებში, რამდენიმე ბინაში სპეცრაზს ტერორისტები ჰყავდა დაბლოკილი.