ირაკლი კობახიძე - სამთავრობო ცვლილებები არ იგეგმება
23.02.2024 ნახვები: 543
საქართველოს პრემიერ-მინისტრის, ირაკლი კობახიძის განცხადებით, არანაირი სამთავრობო ცვლილებები არ იგეგმება.
კობახიძეს კითხვით მიმართეს, რა კომენტარს გააკეთებდა გავრცელებულ ინფორმაციაზე, რომლის მიხედვითაც, შესაძლოა, საგარეო საქმეთა მინისტრი შეიცვალოს.
„არანაირი სამთავრობო ცვლილებები არ იქნება. ილია დარჩიაშვილი იყო წარმოდგენილი დელეგაციაში და ძალიან კარგად წარმოადგინა საქართველოს ინტერესები ვიზიტის ფარგლებში. მინდა, მას კიდევ ერთხელ მადლობა გადავუხადო. არავითარი ცვლილებები მთავრობაში არ იგეგმება, გეგმაში ასეთი რამ არ არის. ერთ, ორ, სამ წელიწადში ასეთი რამ თუ მოხდება, ეს მარტო ჩვენზე არ არის დამოკიდებული. სამთავრობო ცვლილებებთან დაკავშირებით არავითარი კონსულტაციები არ წარმოებს, ამას სრული პასუხისმგებლობით ვამბობ. ეს არის, რაც ძალიან მკაფიოდ შემიძლია, გითხრათ“, – განაცხადა ირაკლი კობახიძემ.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
