„ნაპოლიმ“ „ბარსელონასთან“ მატჩის წინ შეიძლება მაცარი დაითხოვოს
19.02.2024 ნახვები: 544
„ნაპოლის“ მთავარმა მწვრთნელმა ვალტერ მაცარიმ, შესაძლოა, უახლოეს ხანში დატოვოს გუნდი, – იტყობინება ჟურნალისტი მატეო მორეტო.
წყაროს ცნობით, 62 წლის სპეციალისტის ბედი უახლოეს დღეებში გადაწყდება. ის შეიძლება დაითხოვონ „ბარსელონასთან“ ჩემპიონთა ლიგის პირველი მერვედფინალის წინ, რომელიც 21 თებერვალს გაიმართება.
ამტკიცებენ, რომ მაცარის შეცვლაზე მთავარი კანდიდატია სლოვაკეთის ნაკრების ამჟამინდელი მთავარი მწვრთნელი ფრანჩესკო კალცონა, რომელიც ადრე შედიოდა ნეაპოლელთა საწვრთნელ შტაბში. ელოდებიან, რომ ის პოსტებს შეათავსებს.
ასე რომ, „ნაპოლიმ“ შეიძლება უკვე მეორედ შეცვალოს მწვრთნელი მიმდინარე სეზონში. მაცარიმ გუნდი ნოემბერში ჩაიბარა, როცა რუდი გარსია დაითხოვეს.
24 ტურის შემდეგ 36 ქულით „ნაპოლი“ სერია A-ს ცხრილში მე-10 ადგილზეა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
