სალომე ზურაბიშვილმა, პრაქტიკულად, თავისი პატრონების მიერ დაწერილი სიტყვა წაიკითხა, რადგან დასკვნით სიტყვაში ვერაფერი თქვა და კითხვებს პასუხი ვერ გასცა. როგორც ჩანს, უთხრეს, პასუხები არ გაეცა, რადგან რაღაცას არასწორს იტყოდა, – ამის შესახებ საქართველოს პირველ არხს „ხალხის ძალის“ წევრმა, გურამ მაჭარაშვილმა განუცხადა.
როგორც გურამ მაჭარაშვილმა აღნიშნა, სალომე ზურაბიშვილს ფანჩატურის შექმნას უბრძანეს, თუმცა ეს ფანჩატური არჩევნებამდე ვერ მიაღწევს.
„გავიგეთ, უბრძანეს, რომ ფანჩატური უნდა შექმნას. შესაშური არ არის, როცა ამ ფანჩატურის პოლიტიკური ლიდერი კონსტიტუციის დამრღვევი იქნება, მათი იდეოლოგი იქნება ქართული ღვინის შეურაცხმყოფელი გვარამია, „დინამოს“ ცუდად შემსრულებელი ხაბეიშვილი და დაშლილებში აწყობილი „მუსტანგის“ მესაკუთრე ხაზარაძე. ეს ფანჩატური იქნება და ამით არჩევნების მოგება უნდათ. ეს ფანჩატური ისევე ვერ მიაღწევს არჩევნებამდე, როგორც „მუსტანგმა“ ვერ მიაღწია დანიშნულების ადგილამდე. ეს მოცემულობაა, მაგრამ, რა თქმა უნდა, ყურადღებით მაინც ვიქნებით, რადგან ამათი პატრონები იქნებიან, ვისაც შეიძლება, მცდელობა ჰქონდეს არეულობის. ეს ყველაფერი განწირულია, რადგან ოქტომბერში „ქართული ოცნება“ გაიმარჯვებს, 30 მანდატს ოპოზიცია გაიყოფს“, – განაცხადა მაჭარაშვილმა.
