„ევროკავშირი მზად არის უკრაინის სუვერენიტეტისა და ტერიტორიული მთლიანობის მხარდასაჭერად ხელთ არსებული ყველა ინსტრუმენტი გამოიყენოს", - ამის შესახებ საგარეო და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა ჟოზეფ ბორელმა გერმანიის საგარეო საქმეთა მინისტრ ანალენა ბერბოკთან შეხვედრის შემდეგ გამართულ პრესკონფერენციაზე განაცხადა.
„ჩვენ განვიხილეთ უკრაინის საზღვრებთან რუსული სამხედრო ძალების კონცენტრაციის საკითხი. მინდა კიდევ ერთხელ დავადასტურო ჩვენი ურყევი მხარდაჭერა უკრაინის სუვერენიტეტსა და ტერიტორიულ მთლიანობის მიმართ. მზად ვართ გამოვიყენოთ ჩვენს ხელთ არსებული ყველა ინსტრუმენტი უკრაინის სუვერენიტეტისა და ტერიტორიული მთლიანობის მხარდასაჭერად", - აღნიშნა ბორელმა.
