„შეხვედრის მთავარი გზავნილი ისაა, რომ მიხეილ სააკაშვილის პოლიტიკური პატიმრობა უნდა დასრულდეს," - განაცხადა დღეს, 7 დეკემბერს მიხეილ სააკაშილის ადვოკატმა, ბექა ბასილაიამ მესამე პრეზიდენტის მონახულების შემდეგ.
შეგახსენებთ: მიხეილ სააკაშვილი გორის სამხედრო ჰოსპიტალში რეაბილიტაციის კურსს გადის. მესამე პრეზიდენტი 1-ელ ოქტომბერს დააკავეს და ის 50 დღე შიმშლობდა. ოპოზიცია მისი განთავისუფლების მოთხოვნით აქციებს ისევ აგრძელებს.
„დღევანელი შეხვედრის მთავარი გზავნილი ბუნებრივია არის და ყოველი ამ შეხვედრის მთავრი ამოცანა არის ის, რომ მიხეილ სააკაშვილის პოლიტიკური მძევლობა, ეს პოლიტიკური პატიმრობა უნდა დასრულდეს. ჩვენ, როგორც ყველა სხვა პროცესის წინ, ყოველთვის ხაზს ვუსვამთ, როგორი იქნება მიხეილ სააკაშვილის ჯანმრთელობის მდგომარეობა, ამაზე იქნება დამოკიდებული პროცესზე მისი მონაწილეობა.
რაც შეეხება სამოქალაქო საზოგადოების რეაქციას და დაგეგმილ აქციებს, ეს არის ძალიან მნიშვნელოვანი. ბუნებრივია, საქართველოში ხელისუფლების წყარო არის ხალხი და პოლიტიკური მართლმსაჯულებისთვის წერტილის დასასმელად ქართველი ხალხის აქტიურობაა გადამწყვეტი", - განაცხადა ბექა ბასილაიამ.
