იაპონიაში მიწისძვრის შედეგად დაღუპულთა რაოდენობა 100-ს აღწევს.
ამის შესახებ ინფორმაციას ადგილობრივი მედია ავრცელებს.
სამძებრო-სამაშველო ჯგუფებმა, რომლებშიც ათასობით იაპონელი ჯარისკაცი მონაწილეობს, გადარჩენილები დანგრეული სახლებიდან გამოიყვანეს.
ადგილობრივი მთავრობის ინფორმაციით, უგზო-უკვლოდ დაკარგულთა რიცხვი 211-მდე შემცირდა, ხოლო ევაკუაციის ცენტრებში 34,000 ადამიანი რჩება.
შეგახსენებთ, 1-ელ იანვარს ნოტოს ნახევარკუნძულზე მიწისძვრების სერია მოხდა. ყველაზე ძლიერმა 7,6 მაგნიტუდის სიმძლავრის მიწისძვრამ, ერთ მეტრზე მეტი სიმაღლის ცუნამის ტალღები გამოიწვია.
