„ქართული ოცნების“ დეპუტატის, ირაკლი ჩიქოვანი ირწმუნება, რომ ანაკლიაში სასტუმრო ვანო მერაბიშვილის იარაღის ლულის ქვეშ აშენდა. ამის შესახებ დეპუტატმა ენმ-ს წევრი ანი წითლიძის განცხადების საპასხოდ ისაუბრა, რომელმაც თქვა, რომ ანაკლიაში ინფრასტრუქტურის მოწესრიგება საქართველოს მესამე პრეზიდენტის დამსახურებაა.
"არც თუ ისე უფროსი ვარ ქალბატონ ანიზე, რომ მას არ ახსოვდეს, რა ხდებოდა ანაკლიაში და როგორ აშენდა ის სასტუმრო ინფრასტრუქტურა, რომელიც აშენდა ანაკლიაში. აშენდა ვანო მერაბიშვილის იარაღის ლულის ქვეშ და ეს ჩვენ, მეგრელებმა კარგად ვიცით. ხალხს აიძულებდნენ, რომ ეს გაეკეთებინათ. ის კონკრეტული ობიექტი, რომელზეც ის საუბრობს და რომელზეც ჰგონია, რომ მხოლოდ მან იცის, სერიოზული პრობლემები შეექმნა. ბევრი წლის განმავლობაში იყო სასამართლო გარჩევები და სადღაც ერთი წელია, რაც მმართველს გადაეცა.
ასევე, გეტყვით იმასაც, რომ საქართველოს არ აქვს ფუფუნება იყოს იზოლირებული, საქართველოს არ აქვს ფუფუნება, რომ ვიღაცის კაპრიზების გამო არ ესაუბროს პარტნიორებს და არ ეძებოს პარტნიორები. ჩვენ ვეძებთ პარტნიორებს, მეგობრებს, მათ შორის, მსოფლიოში სტრატეგიულად დიდი მნიშვნელობის მატარებელ სახელმწიფოებთან და ვეძებთ პარტნიორობას. არ აქვს მნიშვნელობა ეს იქნება აშშ თუ ჩინეთი“, - განაცხადა ჩიქოვანმა.
