საქართველოს მესამე პრეზიდენტის დედა, გიული ალასანია ევროპარლამენტარსა და პოლონეთის საგარეო საქმეთა ყოფილ მინისტრს, ანნა ფოტიგას მიხეილ სააკაშვილის ჯანმრთელობის შესახებ ესაუბრა.
როგორც გიული ალასანიამ თქვა, მიხეილ სააკაშვილის მდგომარეობა კვლავ მძიმეა და ის კიდევ უფრო უარესდება.
"ფოტიგამ მკითხა, როგორ არის მისი ჯანმრთელობა და მე ვუთხარი, რომ ცოტა ხნის წინ ისევ დაიდო ახალი დასკვნა, სადაც საუბარია მდგომარეობის გაუარესებაზე და ეს ასეც არის. თუმცა, ყველაფერი უკეთდება, ეს გადასხმები უკეთდება და ამ გადასხმების წყალობით უჭირავთ ეს ჯანმრთელობა", - ამბობს გიული ალასანია.
