ვუყურებთ რეპრესიებს ექიმებზე, მათი უფლებების დარღვევას - ეს განცხადება "ნაციონალური მოძრაობის" წევრმა, სოფო ჯაფარიძემ გააკეთა.
ჯაფარიძე სასწრაფო სამედიცინო ცენტრში მიმდინარე პროცესებს გამოეხმაურა, სადაც კადრების დეფიციტია და ახლა ვაკანსიების გამოცხადებული, კვალიფიციური კადრები კი სამსახურიდან გაათავისუფლეს.
ჯაფარიძის შეფასებით, ზეწოლა მოხდა სწორედ იმ სამედიცინო პერსონალზე, რომელმაც კრიტიკული აზრი ხმამაღლა დააფიქსირა.
"წარმოუდგენელია ის მდგომარეობა, რაც დღეს ზოგადად, ჩვენს ჯანდაცვის სისტემაში ხდება. ჩვენ ვუყურებთ ისევ და ისევ, რეპრესიებს ექიმებზე, მათი უფლებების დარღვევას და აუცილებლად უნდა ამოვიღოთ ხმა, რადგან რატომღაც ჩვენმა ხელისუფლებამ გადაწყვიტა, რომ სამედიცინო პერსონალი - იქნებიან ექიმებით, ექთნები, სანიტრები, ყოველთვის არიან ყურადღების მიღმა, ყოველთვის ხდება მათზე ზეწოლა, თუ მოითხოვენ ადეკვატურ ხელფასს, სამუშაო გარემოს, ყოველთვის ხდება მათზე მსგავსი ტიპის ზეწოლა. პირველ რიგში, აქ პოაციენტებს ექმნებათ პრობლემა, სამწუხაროდ, ფაქტის წინაშე დავდექით, რომ მათ თურმე კადრების რეზერვი არ გააჩნიათ,“ - ამბობს სოფო ჯაფარიძე.
