დამანგრეველი სტიქია რაჭაში - მოქალაქე გელა გუტაშვილი ოჯახის 9 წერს ამ დრომდე უშედეგოდ ეძებს. როგორც რაჭის ყოფილმა გუბერნატორმა, ოთარ სირაძემ "ტვ პირველის" ეთერში განაცხადა, გუტაშვილი შოვში კოტეჯს ფლობდა. სტიქიის დროს კი ადგილზე გელა გუტაშვილის 2 შვილი, ცოლის და და მისი ორი შვილი და ბიძაშვილი სამ შვილთან ერთად იმყოფებოდნენ.
რაც შეეხება სამაშველო ღონისძიებებს, სირაძე დაგვიანებულ რეაქციაზე საუბრობს. ამასთან, მისი განცხადებით, შსს-მ გარდაცვლილების შესახებ ინფორმაცია გუშინ შეცდომით გაავრცელა, რადგან მოქალაქის მტკიცებით, უკვე საღამოსთვის ცნობილი იყო რომ სტიქიას ორზე მეტი მსხვერპლი ჰყავდა.
რაჭის ყოფილმა გუბერნატორმა პრემიერის ვიზიტიც შეაფასა და თქვა, რომ მთავრობის მეთაურს ფაქტობრივად არაფერი გაუკეთებია: "ღარიბაშვილი ამოვიდა, ტალახში გაატარეს და წავიდა"- ამბობს ის.
