ამერიკის შეერთებული შტატების ქალაქ ლეიკ-პლესიდში გაიმართა ფიგურულ სრიალში საერთაშორისო ტურნირი Lake Placid Ice Dance International.
ცეკვებში პირველი ადგილი დაიკავეს დიანა დევისმა და გლებ სმოლკინმა, რომლებმაც ზაფხულში მოქალაქეობა შეიცვალეს და პირველად იასპარეზეს საქართველოს სახელით.
მოკლე პროგრამის შემდეგ (74,35 ქულა) მოციგურავები მეორე ადგილზე იყვნენ, მაგრამ თავისუფალ პროგრამაში დუეტმა 117.47 ქულა დააგროვა და ორი პროგრამის ჯამში (191,82) 10 ქულაზე მეტით აჯობა ამერიკელებს უნა ბრაუნსა და გეიჯ ბრაუნს.
დევისისა და სმოლკინის ეს შედეგი ერთ-ერთი საუკეთესოა მათ კარიერაში. უფრო მაღალი მაჩვენებელი მათ მხოლოდ ორ ტურნირზე ჰქონდათ.
