მაღაროელების პროტესტი თბილისში მწვავდება - აქციის მონაწილეები ხვალიდან პარლამენტთან შიმშილობას იწყებენ.
აქციის მონაწილეების თქმით, პარლამენტთან იქამდე დარჩებიან, ვიდრე მათი მოთხოვნები არ შესრულდება. ჭიათურის მაღაროში დასაქმებულები საქართველოს პარლამენტის შენობის წინ, მეორე დღეა აქციას მართავენ.
ჭიათურიდან თბილისში ჩამოსული აქციის მონაწილეების მოთხოვნები უცვლელია. გაფიცულები აღნიშნავენ, რომ კომპანიას ხელფასს არ ზრდის. გაფიცულები კომპანიისგან 14 პუნქტის დაკმაყოფილებას ითხოვენ. ხელფასის 40 პროცენტით ზრდასთან ერთად, მაღაროელები ყველა ბანკში სესხის პროცენტის დარიცხვის შეჩერება და გადახდის გადავადებას, დაზღვევის პირობების გაუმჯობესებას, შვებულებით სარგებლობის უფლებას, ტექნიკურ განახლებას, ულუფის გაუმჯობესებას და უსაფრთხოების გაკონტროლებას ითხოვენ.
