რა შემთხვევაში დააბრუნებს უკრაინა საქართველოშ თავის ელჩს - ამ კითხვას უკრაინის რადას ფრაქცია "ხალხის მსახურის" თავმჯდომარე დავით არახამია ასე პასუხობს:
"პირველი ნაბიჯი იქნება ნიკა გვარამიას გათავისუფლება. ნიკა გვარამია პოლიტიკოსი არაა, ის ჟურნალისტია. და თუკი მას ციხიდან გამოუშვებენ, მე ვიქნები პირველი, ვინც წავა ჩემს პრეზიდენტთან და ვთხოვ, რომ გავუშვათ ელჩი თბილისში" - განაცხადა არახამიამ.
"ჟურნალისტის ციხეში ჩასმა წარმოუდგენელია... პრეზიდენტისგან იყო დაპირება, რომ შეიწყალებდა ნიკა გვარამიას, მაგრამ არა", - ამის შესახებ ზელენსკის ფრაქცია "ხალხის მსახურის" თავმჯდომარე დავით არახამია "მთავარ არხთან" ექსკლუზიურ ინტერვიუში საუბრობს.
"..აღარაფერს ვამბობ ნიკა გვარამიაზე. ჟურნალისტის ჩასმა ციხეში წარმოუდგენელია. მითუმეტეს თუკი ქვეყანას აქვს ევროპული ამბიცია. თუკი წახვალთ ბრიუსელში, სტრასბურგში და ახსენებთ ნიკა გვარამიას საქმეს, ევროპელ მაღალჩინოსნებს აღარ უჩნდებათ სურვილი საქართველოს მთავრობის წევრებს ხელი ჩამოართვან. საქართველოს მთავრობას უნდა წარმოაჩინოს, თითქოს მათ პატივს სცემენ პარტნიორები, მაგრამ ეს ასე არ არის, როგორც კი სადილზე, ან არაფორმალურ ვითარებაში ხვდები ამ ადამიანებს, გაოგნებულები არიან ნიკას ისტორიით.
...საქართველოს პრეზიდენტისგან იყო დაპირება, რომ ის შეიწყალებდა ნიკა გვარამიას, ვფიქრობდით, ის საფრანგეთის მოქალაქეა და იქნებ გადაედგა პროევროპული ნაბიჯი, მაგრამ არა. მოკლედ რომ შევხედოთ და შევაჯამოთ რა არის ძალიან პრობლემატური - პირველ ადგილზეა აგენტების კანონი, მეორე ადგილზეა ნიკა გვარამიას პატიმრობა. არ შეიძლება ჟურნალისტი იყოს ციხეში. ეს გაუგონარია", - თქვა არახამიამ.
