საქართველოს მთავრობის სტრატკომს ამ დრომდე არ გაუკეთებია განმარტება facebook-ის მიერ მასთან დაკავშირებული 100-ზე მეტი ყალბი ანგარიშისა და გვერდის წაშალის თაობაზე.
არ არის ცნობილი ბიუჯეტის რა მუხლებიდან იხარჯებოდა ყალბი ანგარიშებისა და გვერდების შენახვა მომსაურეობაზე გაწეული ხარჯი 33 500 დოლარი. ასევე, რა ოდენობის ანაზრაურება ეძლეოდათ ამ გვერდებისა და ანგარიშების მომსახურე პირებს.
საქართველოს მთავრობის სტრატკომი არც იმაზე საუბრობს, რა კონკრეტული მიზნით ქმნიდა ყალბ ანგარიშებსა და გვერდებს.
შეგახსენებთ, რომ Facebook-მა საქართველოს მთავრობის სტრატკომთან დაკავშირებული 100-ზე მეტი ყალბი ანგარიში და გვერდი წაშალა. ამის შესახებ Facebook-ის მფლობელი კომპანიის, Meta-ს კვარტალურ ანგარიშში წერია.
Meta-ს თანახმად, მათ 80 Facebook ანგარიში, 26 გვერდი, 9 ჯგუფი და Instagram-ის 2 ანგარიში წაშალეს, რომელიც „ფეიკ“ ანგარიშებით იმართებოდა და მათზე იყო დამოკიდებული. ასეთი ყალბი ანგარიშებიდან „დაპოსტვით“, „დალაიქებით“ და დაკომენტარებით, კონტენტი უფრო პოპულარული ჩანდა, ვიდრე რეალურად იყო.
“ედ გვერდები და ჯგუფები ცდილობდნენ თავი წარმოეჩინათ, როგორც ადგილობრივ, დამოუკიდებელ და პროსამთავრობო ჯგუფებს. ქსელი ფუნქციონირებდა, რათა საქართველოს ამჟამინდელი ხელისუფლების მხარდამჭერი კონტენტი გაეძლიერებინა, მათ შორის, ოფიციალური სამთავრობო გვერდებისა და პროსამთავრობო მედიის ანგარიშების ხელახალი გაზიარებით. ისინი ასევე ოპოზიციის კრიტიკას იზიარებდნენ, განსაკუთრებით ბოლოდროინდელი ე.წ. “უცხოური აგენტების” კანონპროექტის შესახებ სახალხო პროტესტის დროს, რომელიც ახლა უკვე გაწვეულია”, - წერია ანგარიშში.
Meta აღნიშნავს, რომ მოუხედავად იმისა, რომ ამ ოპერაციების მიღმა მყოფი ხალხი ცდილობდა საკუთარი იდენტობისა და კოორდინაციის დამალვას, გამოძიებამ მაინც იპოვა მათი კავშირები საქართველოს მთავრობის ადმინისტრაციის სტრატეგიული კომუნიკაციების დეპარტამენტთან.
ანგარიშის თანახმად, 138,000 ანგარიშს გამოწერილი ჰყავდა ერთი ან რამდენიმე ასეთი გვერდი, დაახლოებით 238,000 ანგარიში კი გაწევრიანებული იყო ერთ ან რამდენიმე ჯგუფში. 400 ანგარიშს კი გამოწერილი ყავდა ერთი ან მეტი ასეთი Instagram ანგარიში.
Facebook-სა და Instagram-ზე ამ ყალბი ანგარიშების, გვერდებისა და ჯგუფების რეკლამისთვის დაახლოებით 33,500 დოლარი იყო დახარჯული.
