რუსეთის კრასნოდარის მხარეში, ილსკის ნავთობგადამამუშავებელ ქარხანაში ნავთობის რეზერვუარებს ცეცხლი გაუჩნდა, - ამის შესახებ ოლქის გუბერნატორმა, ვენიამინ კონდრატიევმა განაცხადა.
„სევერსკის რაიონში, ილსკის ნავთობგადამამუშავებელ ქარხანაში ნავთობპროდუქტებით სავსე რეზერვუარებს ცეცხლი გაუჩნდა“, - დაწერა მან „ტელეგრამის“ არხზე.
გუბერნატორის ინფორმაციით, ადგილზე მობილიზებულია საგანგებო სიტუაციების სამინისტროს წარმომადგენლები. წინასწარი ინფორმაციით, არავინ დაშავებულა ან დაღუპულა. მეხანძრეებმა ხანძრის ლიკვიდირება შეძლეს.
რუსული მედიის ინფორმაციით, ადგილობრივი საგანგებო სიტუაციების სამსახურის წარმომადგენლის განცხადებით, ხანძრის მიზეზი დრონით თავდასხმა გახდა.
