ევროკავშირის წევრი ქვეყნების საგარეო საქმეთა მინისტრების საბჭოს სხდომაზე ვაპირებთ საქართველოზე საუბარს, გვექნება შეხვედრა, განვიხილავთ მის პერსპექტივას და უსაფრთხოების ვითარებას, – ამის შესახებ საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჯოზეფ ბორელმა სხდომის დაწყებამდე განაცხადა.
ბორელის თქმით, დღეს მნიშვნელოვანი დღეა საქართველოს საკითხის განსახილველად.
„ჩვენ ვაპირებთ საქართველოზე საუბარს. გვექნება შეხვედრა, განვიხილავთ მის პერსპექტივას, უსაფრთხოების სიტუაციას. ჩვენთვის საქართველო ძალიან მნიშვნელოვანი ქვეყანაა. უნდა გვახსოვდეს, რომ მას უსაფრთხოების სპეციფიური საკითხები უდგას, რადგან მისი ტერიტორია ნაწილობრივ ოკუპირებულია რუსეთის მიერ. ასე რომ, მნიშვნელოვანი დღეა საქართველოს საკითხის განსახილველად“, – განაცხადა ჯოზეფ ბორელმა.
