გიორგი ვაშაძე - დღეს არის საერთო სახალხო შეკრება, აუცილებლად ვიქნები აქციაზე

დღეს აქციაზე ვიქნები, ეს არ არის ერთი პარტიის აქცია, ეს არის პოლიტიკური პარტიების, საზოგადოებრივი პირების აქცია, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

„ბევრი არის ჩართული ამ ყველაფერში, ამიტომ ეს არის საერთო, სახალხო შეკრება. პირველ რიგში, 9 აპრილს ყოველთვის ბევრნი უნდა ვიყოთ. დიახ, იმიტომ, რომ ეს არის საქართველოს დამოუკიდებლობის აღდგენის დღე. მეორე, დღევანდელ შეკრებას აქვს ძალიან კონკრეტული მიზანი, რომ ვაჩვენოთ მთელ საქართველოს და მსოფლიოს, ჩვენ ვაგრძელებთ ბრძოლას ევროპული პერსპექტივისთვის და ყველაფერს გავაკეთებთ, რომ წლის ბოლოს მივიღოთ ევროკავშირის კანდიდატის სტატუსი. მესამე, ეს არის პატივისცემა ჩვენ გმირებთან მიმართებაში, ვინც თავი შესწირა საქართველოს დამოუკიდებლობას და თავისუფლებას. ამიტომ მე აუცილებლად ვიქნები ამ აქციაზე“,- განაცხადა გიორგი ვაშაძემ.