პარლამენტის დერეფანში ფიზიკურ და სიტყვიერ დაპირისპირებას ჰქონდა ადგილი.
პლენარული სხდომაზე პრემიერ-მინისტრ ირაკლი ღარიბაშვილის მოსმენის დასრულების შემდეგ, „ქართული ოცნების“ დეპუტატები ოპოზიციონერ გუბაზ სანიკიძეს კიბეებთან დაედევნენ.
დაპირისპირებაში მონაწილეობდნენ დავით მათიკაშვილი და ალუდა ღუდუშაური. აღსანიშნავია, რომ ღუდუშაურმა სანიკიძეს ფეხი მოუქნია.
ირაკლი ღარიბაშვილმა გუბაზ სანიკიძეს „გაყიდული და მოღალატე კაცი“ უწოდა, რის შემდეგაც სანიკიძემ ღარიბაშვილს სხდომათა დარბაზში უწმაწური სიტყვებით მიმართა.
