მიხეილ სააკაშვილის დედა გიული ალასანია აცხადებს, რომ მისთვის გაუგებარია, რის საფუძველზე შეიძლება, დააბრუნონ სააკაშვილი ციხეში.
როგორც ალასანია აცხადებს, გამორიცხული არაფერია.
„მაშინვე გამიჩნდა აზრი, რომ აპირებენ ციხეში დაბრუნებას, არ ვიცი, რის საფუძველზე. ყოველ შემთხვევაში, ამ ადამიანის ჯანმრთელობა არ იძლევა ამის შესაძლებლობას. ყველაფერი შეიძლება, მოხდეს. ფაქტია უცხოელი ექიმები არ შემოუშვეს. ესენი მთლიანად ემორჩილებიან პენიტენციურ სისტემას, ისინი სუს-ს და ასე შემდეგ. ძალიან ვერტიკალურია, იერარქიულია ჩვენი საზოგადოება დღეს. სამწუხაროდ, საქართველოში დემოკრატია არ არის. ვერ იმუშავა ჯერჯერობით ჩვენთან დემოკრატიამ“, – განაცხადა ალასანიამ.
კითხვაზე დაჩქარდება თუ არა ევროსასამართლოში სარჩელი, ალასანია პასუხობს: „არა თუ დააჩქაროს, არამედ ეს მთლიანად არის ჩვენზე. ვფიქრობ, ძალიან სწრაფად, გადაუდებლად. ჩვენ უკვე დიდი ხანია, ამისთვის მზად ვართ“.
