პარტია „ლელოს“ ლიდერები უკრაინაში გაემგზავრნენ. უკრაინული მხარის მოწვევით, 24 თებერვალს პარტიის თავმჯდომარე მამუკა ხაზარაძე, გენერალური მდივანი ბადრი ჯაფარიძე, პოლიტიკური მდივანი სალომე სამადაშვილი და საგარეო მდივანი გრიგოლ გეგელია რუსეთ-უკრაინის ომის დაწყების 1 წლისთავისადმი მიძღვნილ, რადას საგანგებო სხდომას დაესწრებიან.
მისივე განცხადებით, „ლელოს“ ლიდერები უკრაინული პოლიტიკური პარტიების და კიევის მუნიციპალიტეტის წარმომადგენლებს შეხვდებიან.
„მივემგზავრებით კიევში, რომ რუსული აგრესიის 1 წლის თავზე, ჩვენი სრული თანადგომა და მხარდაჭერა გამოვუცხადოთ ჩვენს უკრაინელ მეგობრებს, რომლებიც თავისი და ჩვენი თავისუფლებისთვის თავგანწირულად იბრძვიან.
უმაღლესი რადას მიერ 24 თებერვალს ორგანიზებული შეხვედრები კიდევ ერთი კარგი შესაძლებლობა იქნება ჩვენი სრული მხარდაჭერის დასადასტურებლად.
ასევე, გვექნება შეხვედრები უკრაინულ პოლიტიკურ პარტიებთან და კიევის მუნიციპალიტეტის წარმომადგენლებთან.
უკრაინელ მეგობრებთან ვიმსჯელებთ, როგორ შეიძლება დავეხმაროთ მათ მაქსიმალურად.
ამ ვიზიტის ფარგლებში ჩვენ კიდევ ერთხელ დავაფიქსირებთ, რომ ქართველი ხალხი, თავისუფლებისთვის ბრძოლაში, უკრაინის გვერდითაა,“ - აცხადებს ბადრი ჯაფარიძე.
