ორი დღის ძებნის შემდეგ ძალოვანი სტრუქტურის თანამშრომელი გარდაცვლილი იპოვეს

ორი დღის ძებნის შემდეგ, ქობულეთის მუნიციპალიტეტის სოფელ სახალვაშოში, გარდაცვლილი იპოვეს მოქალაქე გენადი.ს.
გენადი ს. საკუთარ ავტომანქანაში იპოვეს, იგი ცეცხლსასროლი იარაღიდან გასროლის შემდეგ არის გარდაცვლილი.
გამოძიება განიხილავს რამდენიმე ვერსიას, მათ შორის თვითმკვლელობამდე მიყვანას.
„ნეიშენ ჯორჯიას“ ინფორმაციით, გენადი ს. 30 წელი ერთ-ერთ ძალოვან სტრუქტურაში მუშაობდა.
როგორც გარდაცვლილის ოჯახის ახლობელმა „ნეიშენ ჯორჯიას“ განუცხადა, გარდაცვლილი კეთილსინდისიერი ადამიანი იყო, „იგი 30 წელი მუშაობდა სტრუქტურაში. ორი თვის წინ, თანამდებობა შეუცვალეს და უფრო დაბალ თანამდებობაზე დანიშნეს, თუმცა მისი გარდაცვალების მიზეზი ეს არ უნდა იყოს“.
„ძნელად წარმოსადგენია მიზეზი, რის გამოც მას თავი უნდა მოეკლა, ან მოეკლათ“, - განუცხადა „ნეიშენ ჯორჯიას“ ოჯახის ახლობელმა.
ამჟამად გარდაცვლილს ექსპერტიზა უტარდება. ექსპერტიზაზეა გადაყვანილი მისი კუთვნილი ავტომანქანაც.