ევრო 2024 | ესპანეთი - იტალია 1:0
ევრო 2024 | ინგლისი - დანია 1:1
გიორგი ვაშაძე - ჩემი მიზანი არ ყოფილა აუტისტური სპექტრის მქონე ადამიანების დამცირება ან შეურაცხყოფა, ბოდიშს ვუხდი მათ და მათი ოჯახის წევრებს
ევრო 2024 | სლოვენია - სერბეთი 1:1
1 აშშ დოლარის ღირებულება 2.8001 ლარი გახდა
მამუკა ხაზარაძე - ჩვენ გვყავს რუსული ხელისუფლება, რომელიც ყველაფერს აკეთებს იმისთვის, რომ ჩვენი ქვეყანა რუსულ ჭაობში ჩაითრიოს, ამას ჩვენ არ დავუშვებთ
იურიდიულ საკითხთა კომიტეტის სხდომაზე დეპუტატებმა ე.წ. ლგბტ პროპაგანდის წინააღმდეგ მომზადებულ საკანონმდებლო პაკეტს პირველი მოსმენით მხარი დაუჭირეს
გიგი წერეთელი - დღეს აშშ-ს კონგრესში, ჰელსინკის კომისიაში საუბარი კვლავ ე.წ „აგენტების კანონის“ შესახებ იქნება

დღეს ბათუმში ზუკა ნემსაძის შემოქმედებითი საღამო გაიმართება

06.08.2024 | 10:10 ნახვები: 286

დღეს, 8 ივნისს, ბათუმის თოჯინებისა და მოზარდ მაყურებელთა თეატრში ზუკა (ზურაბ) ნემსაძის შემოქმედებითი საღამო -„გენერალური რეპეტიცია“, გაიმართება.

პოეტი მსმენელის წინაშე, ახალი ლექსებითა და საინტერესო პერფორმანსებით წარდგება.

როგორც ზუკა ნემსაძემ „ნეიშენ ჯორჯაისთან“ საუბარში განაცხადა, მისთვის ამ საღამოს განსაკუთრებული მღელვარება ახლავს.

„წლებია ბათუმელ მსმენელისთვის საღამოა არ გამიმართავს, ამიტომაც ძალიან ვღელავ. უდიდესი პასუხისმგებლობაა, წარვდგე თანაქალაქელი მსმენელის - განსაკუთრებით ბათუმელების წინაშე. ვერც კი წარმოდგენით, როგორი კრიტიკული და მკაცრი მსმენელი ჰყავს ბათუმს“, - განაცხადა ზუკა ნემსაძემ და დასძინა, - „ეს არ იქნება სტანდარტული პოეზიის საღამო, სადაც მხოლოდ ლექსი ისმის. მაყურებელი იხილავს საინტერესო პერფორმანსებს და რა თქმა უნდა, იქნება შოუს ელემენტებიც“.

ზუკა ნემსაძემ აღნიშნა, რომ საღამოზე მის ლექსზე დაწერილი სიმღერის პრემიერაც შედგება.

„სცენაზე ჩემ გვერდით ჩემი მეგობარი და სასცენო პარტნიორი ნინიკო ქათამაძე იდგება. ნინიკოსთან ერთად სცენაზე დგომა დიდი ფუფუნებაა და მასთან ერთად არაფერზე ვნერვიულობ. საღამოზე იქნება სიმღერის პრემიერა, ნინიკო ჩემს ლექსზე, მის მიერ დაწერილ სიმღერას შეასრულებს “, - განაცხადა პოეტმა.

მისივე თქმით, საღამოს მუსიკალურად სტუდია „შარავანდი“ გააფორმებს.

„ყველაზე მეტად რაც მახარებს და რაც მარწმუნებს იმაში, რომ საღამო კარგი და საინტერესო იქნება, არის ის, რომ ჩემთან ერთად იქნება სტუდია "შარავანდი", თამუნა მჟავანაძის ხელმძღვანელობით“, - განაცხადა ზუკა ნემსაძემ.

პოეტი საღამოზე წაიკითხავს ლექსებს მისი შემოქმედებიდან, ასევე წარადგენს ლექსებს შოვისა და ბათუმის ტრაგედიაზე, რომელთაც სოციალურ ქსელში ასიათასობით ნახვები აქვს.

„ვიტოვებ იმედს, რომ მეც და მოსული მაყურებელიც კმაყოფილი დავრჩებით. აქვე, მადლობას ვუხდი ბათუმის თოჯინებისა და მოზარდ მაყურებლთა თეატრის ხელმძღვანლობას, მოცემული შესაძლებლობისა და თანადგომისთვის.“, -ამბობს პოეტი.

შეგახსენებთ, რომ ზუკა ნემსაძის შემოქმედებითი საღამო, სახელწოდებით „გენერალური რეპეტიცია“, 8 ივნისს ბათუმის თოჯინებისა და მოზარდ მაყურებელთა თეატრში 19:00 საათზე დაიწყება.

ყველას ნახვა
ყველას ნახვა