რუს ბიზნესმენებს სურთ, რომ უკრაინის დახმარების სანაცვლოდ, სანქციები მოუხსნან. როგორც AP იუწყება, ასეთი წინადადებით გამოვიდა ერთ-ერთი რუსი ოლიგარქი, რომელმაც შესაბამისი იდეა კანადის ფინანსთა მინისტრ ქრისტია ფრილანდს გააცნო. თავის მხრივ ფრილანდმა ამ ინიციატივის შესახებ ისაუბრა დიდი შვიდეულის წევრი ქვეყნების ფინანსთა მინისტრების შეხვედრაზე.
როგორც „ესოშიეტიდ პრესი“ წერს, ამ წინადადებამ ინტერესი გამოიწვია, რადგან დასავლეთს სურს, რომ ოლიგარქებმა კრემლისგან დისტანცირების მაგალითი აჩვენონ.
„ესოშიეტიდ პრესის“ ცნობით, კანადის ფინანსთა მინისტრის მიერ გახმიანებული ინიციატივის შესახებ ინფორმირებულები არიან კიევშიც.
როგორც ცნობილია, ამჟამად სანქციები დაწესებული აქვთ ბევრ მსხვილ რუს ბიზნესმენს, მათ შორის მიხაილ ფრიდმანსა და რომან აბრამოვიჩს.
