მსოფლიო ბანკმა გლობალური ეკონომიკის ზრდის პროგნოზი შეამცირა
19.04.2022 ნახვები: 974
მსოფლიო ბანკმა გლობალური ეკონომიკის ზრდის პროგნოზი შეამცირა. ორგანიზაციის ცნობით, 2022 წელს გლობალური ზრდის პროგნოზი, უკრაინაში რუსეთის ინტერვენციის გამო, 4,1%-დან 3,4%-მდე შემცირდა. შესაბამის ინფორმაციას „ბიბისი“ მსოფლიო ბანკის პრეზიდენტ დევიდ მალპასზე დაყრდნობით ავრცელებს.
ამასთან, მსოფლიო ბანკის პროგნოზით, მიმდინარე წელს უკრაინის ეკონომიკა თითქმის ორჯერ შემცირდება. არსებული მონაცემებით, კონფლიქტის შედეგად ქვეყანაში ბიზნესის ნახევარი დაიხურა და შემცირდა ექსპორტი.
საერთაშორისო ფინანსური ინსტიტუტის ექსპერტთა შეფასებით, რუსეთის მიერ გაჩაღებული ომი აღმოსავლეთ ევროპასა და აზიის ნაწილს კორონავირუსის პანდემიაზე მეტად დააზარალებს.
მსოფლიო ბანკმა უკრაინას დახმარების სახით ერთი მილიარდი დოლარი უკვე გამოუყო და მომავალ თვეებში კიდევ ორი მილიარდი დოლარის გამოყოფას დაპირდა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
