დონალდ ტრამპი პუტინით უკმაყოფილოა და სანქციების გამკარებისთის მზად არის

აშშ-ის პრეზიდენტი დონალდ ტრამპი უარყოფით შეფასებას აძლევს უკრაინაში მიმდინარე მოვლენებს და აცხადებს, რომ უახლოეს დღეებში გეგმავს პირდაპირ საუბარს რუსეთის ლიდერთან ვლადიმერ პუტინთან. ამის შესახებ CNN წერს.

"არ ვარ აღფრთოვანებული იმით, რაც იქ ხდება. მჯერა, რომ ამას მოვაგვარებთ. მაგრამ მე მათით უკმაყოფილო ვარ. უკმაყოფილო ვარ ყველაფრით, რაც ამ ომთან არის დაკავშირებული, – განაცხადა ტრამპმა 7 სექტემბერს, რუსეთის მასირებულ დაბომბვაზე კომენტარისას", - აცხადებს ტრამპი. 

პრეზიდენტის თქმით, პუტინთან საუბარი "ძალიან მალე" შედგება - მომდევნო რამდენიმე დღის განმავლობაში. ტრამპმა ასევე დააანონსა, რომ კვირის დასაწყისში თეთრ სახლში მივლენ რამდენიმე ევროპელი ლიდერი, რომელთანაც ის განიხილავს ომის მიმდინარეობას უკრაინაში და აშშ-ის მომავალ პოზიციას.

ასევე, აშშ-ის პრეზიდენტმა დონალდ ტრამპმა დაადასტურა, რომ მზად არის, რუსეთის წინააღმდეგ სანქციების "მეორე ეტაპზე" გადავიდეს. ამის შესახებ Reuters წერს.

ჟურნალისტების კითხვაზე, მზად არის თუ არა, გაამკაცროს სანქციები რუსეთის მიმართ და გადადგას ნაბიჯი "მეორე ეტაპის" შეზღუდვებისკენ, ტრამპმა უპასუხა: "დიახ, მზად ვარ!"

შეგახსენებთ, აშშ-ის ფინანსთა მინისტრმა სკოტ ბესანტმა განაცხადა, რომ ვაშინგტონი მზად არის, გააძლიეროს ზეწოლა მოსკოვზე, თუმცა მისი თქმით, მნიშვნელოვანია, ამ პროცესში ჩაერთონ ევროპელი პარტნიორებიც.