სკოტ ბესენტი - აშშ მზადაა, ევროკავშირთან პარტნიორობით, რუსეთის ეკონომიკის სრული კოლფასისთვის

აშშ მზადაა, ევროკავშირთან პარტნიორობით, რუსეთის ეკონომიკის სრული კოლფასისთვის, – ამის შესახებ აშშ-ის სახაზინო მდივანმა, სკოტ ბესენტმა „ენბისი ნიუსის“ ეთერში განაცხადა.

ბესენტის თქმით, აშშ მზადაა, სანქციები დააწესოს იმ ქვეყნებზე, რომლებიც რუსეთისგან ყიდულობენ ნავთობს.

„ჩვენ მზად ვართ რუსეთზე ზეწოლის გაზრდისთვის, მაგრამ გვჭირდება ევროპელი პარტნიორების მხარდაჭერაც. ახლა ეს რბოლაა იმას შორის, თუ რამდენ ხანს გაუძლებს უკრაინული ჯარი და რამდენ ხანს გაუძლებს რუსეთის ეკონომიკა. თუ აშშ და ევროკავშირი შეძლებენ, ჩაერთონ, დააწესონ მეტი სანქციები, მეორადი ტარიფები იმ ქვეყნებზე, რომლებიც ყიდულობენ რუსულ ნავთობს, რუსული ეკონომიკა სრულ კოლაფსს მიაღწევს და ეს აიძულებს პრეზიდენტ პუტინს, დაჯდეს მოლაპარაკების მაგიდასთან“, – თქვა ბესენტმა.