რუსთაველის გამზირზე აქცია გრძელდება
02.09.2025 ნახვები: 374
რუსთაველის გამზირზე 279-ე დღეა საპროტესტო აქცია მიმდინარეობს.
დღეს მოქალაქეები პარლამენტთან დილიდან შეიკრიბნენ. ისინი თავდაპირველად პარლამენტის უკანა შესასვლელთან შეიკრიბნენ, სადაც პლენარული სხდომა მიმდინარეობდა. მოქალაქეები 2008 წლის აგვისტოს ომთან დაკავშირებულ საკითხზე დროებითი საგამოძიებო კომისიის დასკვნას აპროტესტებენ.
რუსთაველის გამზირზე მიმდინარე აქციას პროტესტის ის მონაწილეები შეუერთდნენ, რომლებიც მარშით იუსტიციის სახლთან მივიდნენ, საიდანაც მსვლელობით კვლავ პარლამენტთან დაბრუნდნენ.
რუსთაველის გამზირზე მიმდინარე საპროტესტო აქციაზე დაკავებულთა რაოდენობა 23-ამდე გაიზარდა. შსს-ს ინფორმაციით, ყველა პირი ადმინისტრაციული წესით არის დაკავებული.
