"დაუნდობლად გვირტყამდნენ ყველას, მათ შორის გოგოებსაც, ერთმა მეგობარმა ცემის შედეგად გონება დაკარგა" - ამის შესახებ მოქალაქე სოციალურ ქსელში წერს და ბათუმის ბულვარში განვითარებული მოვლენების შესახებ ვიდეოსაც ავრცელებს.
მოქალაქის ცნობით, თავდამსხმელები მის დახრჩობას ცდილობდნენ, მისი მეგობარი კი გაძარცვეს.
გვსურს თქვენი ყურადღება მივაპყროთ ერთ ინციდენტს, რომელიც დღეს, 28 აგვისტოს 2025 წელს, დილით ბათუმში მოხდა. ჩვენ ხელთ გვაქვს როგორც ვიდეოჩანაწერი, ასევე შემთხვევის აღწერა. ვითხოვთ ამ ამბის ფართო გაშუქებას, რათა მსგავსი ფაქტები საზოგადოებისთვის გახდეს ცნობილი.
ბათუმში, ბარის „მანიანას“ დახურვის შემდეგ, ჩვენ ვიჯექით პარკში, ბარის წინ. თავდაპირველად ვიყავით 6–7 ადამიანი. ჩვენს კომპანიას ერთ-ერთი ახალგაზრდა შემოუერთდა, რომელმაც სიგარეტი ითხოვა. მე მივეცი, შემდეგ კი კიდევ რამდენიმე ცალი თავის მეგობრებისთვისაც წაიღო. დროთა განმავლობაში ჩვენი ჯგუფი დაიშალა და საბოლოოდ სამნი დავრჩით – მე, ერთი გოგონა და ერთი ბიჭი.
უეცრად, სხვა ახალგაზრდების ჯგუფმა დაიწყო პრეტენზიების წამოყენება, თითქოს ჩვენი მეგობარი მათ შეურაცხყოფით მოექცა. საუბარი ძალიან სწრაფად გადაიქცა ძალადობაში – ისინი დაუნდობლად გვირტყამდნენ ყველას, მათ შორის გოგონასაც. ერთ-ერთმა მეგობარმა გონება დაკარგა ცემის შედეგად, მე კი ცდილობდნენ დავეხრჩე. გოგონას ჩანთიდან წაართვეს ტელეფონი, პასპორტი და 650 ლარი. ტელეფონი მოგვიანებით დაუბრუნდა, პასპორტი კი ბუჩქებში იპოვეს, მაგრამ ფული გაუჩინარდა.
მოვლენის მომსწრე გამვლელებმა შემთხვევა შენიშნეს და სასწრაფო დახმარება გამოიძახეს. ექიმებმა ადგილზე პირველადი დახმარება გაგვიწიეს და პოლიცია გამოიძახეს.
შედეგი: ჩვენ გვცემეს და გაგვძარცვეს ყოველგვარი მიზეზის გარეშე.
დიდ მადლობას ვუხდით იმ მოქალაქეებს, რომლებიც არ დარჩნენ გულგრილნი, სასწრაფო დახმარების ექიმებსა და პოლიციას გაწეული დახმარებისთვის.
ამ წერილს ვწერთ იმისთვის, რომ ყველა გავაფრთხილოთ: იყავით ფრთხილად ღამით და დილას ბათუმში, განსაკუთრებით ბარების შემდეგ. ყურადღებით იყავით და მუდამ თან იქონიეთ დოკუმენტები და ფული," - წერს მოქალაქე.
ტვ პირველი
