პოლიტიკოსი აცხადებს, რომ სასამართლოს მანდატურების მხრიდან არასათანადო მოპყრობის მსხვერპლი გახდაა. საქმე ეხება მათე დევიძის სასამართლო პროცესის შემდეგ მომხდარ ფაქტს, როდესაც მას რამდენიმე მანდატური დაესხა თავს, ფიზკურად გაუსწორდნენ და სასამართლოს სარდაფში რამდენიმე საათის განმავლობაში ჰყავდათ გამოკეტილი.
„ჩემი საჩივრის საფუძველზე მოვედი გამოკითხვაზე, საქმე ეხება მათე დევიძის განაჩენის დღეს მომხდარ ინციდენტს, რა დროსაც თავს დამესხა მანდატურის სამსახური, რომელიც არის ივანიშვილის კარზე ახლად ფორმირებული ზონდერ დაგჯგუფება, რომელიც ყოველ დღე მოქალაქეებზე ძალადობს სასამართლოში. ჩემ შემთხვევაშიც ესე იყო. დამაკავეს აბსოლუტურად უკანონოდ და იძალადეს, მე არ მაქვს ილუზია, რომ გამოძიება სწორად წარიმართება, ამის მიზეზი კი ის არის, რომ ჩვენ ვიჩივლეთ სპეციალურ საგამოძიებო სამსახურში, ახლა კი, გამოკითხვაზე პროკურატურაში მოვედი, უბრალოდ, მე ვცემ პატივს ამ ქვეყნის ინსტიტუტებს და მე მჯერა ამ სახელმწიფოსი, როდესაც ის გათავისუფლდება ივანიშვილისგან, -განაცხადა დათუნაშვილმა.
გამოკითხვის პროცედურის შემდეგ გახდება ცნობილი, დაკმაყოფილდება თუ არა იურისტების მოთხოვნა, რომ აღნიშნულ საქმეზე სამსახურეობრივ უფლებამოსილების გადამეტების მუხლით იყოს გამოძიება დაწყებული.
