ვოლოდიმირ ზელენსკი - უკრაინამ თავდაცვითი დრონებისთვის 3 მილიარდ გრივნაზე მეტი ღირებულების კონტრაქტებს მოაწერა ხელი
23.07.2025 ნახვები: 335
უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინამ თავდაცვით დრონებთან დაკავშირებით კიდევ ოთხ კონტრაქტს მოაწერა ხელი, რომელთა ღირებულება 3 მილიარდ გრივნაზე მეტია.
„მივიღეთ მნიშვნელოვანი გადაწყვეტილებები ჩვენს დასაცავად, ჩვენი ქალაქებისა და თემების უფრო მეტი უსაფრთხოების უზრუნველსაყოფად. ჩამჭრელი დრონების ახალი კონტრაქტები არსებობს და ეს ემატება იმას, რაც უკვე შევიძინეთ დრონების წარმოებისთვის, კერძოდ, პარტნიორებისგან. კიდევ ოთხი მნიშვნელოვანი კონტრაქტი, რომელთა ღირებულება 3 მილიარდ გრივნაზე მეტია“, - აღნიშნა ზელენსკიმ.
მისი თქმით, თავდაცვითი დრონების რაოდენობის გაზრდის საკითხს სამხედროები და სამინისტროები, კერძოდ, თავდაცვის მინისტრი დენის შმიგალი და პრემიერ-მინისტრის პირველი მოადგილე მიხაილ ფედოროვი განიხილავენ.
ზელენსკის თქმით, ასევე მიმდინარეობს ფრონტზე გამოსაყენებელი დრონებისთვის საჭირო კონტრაქტების გაფორმება და ღრმა დარტყმების პროგრამა გაგრძელდება.
